УИХ-ын Төрийн байгуулалтын байнгын хорооны хуралдаанаар УИХ-ын Тамгын газрын тайланг сонслоо. Энэ үеэр УИХ дахь МАН-ын бүлгийн дарга Д.Тогтохсүрэн "Сүүлийн үед УИХ-ын гишүүд яамдын зардлаар гадагшаа их явж байна. Үүн дээр УИХ-ын Тамгын газар үнэлгээ хийж ярьж баймаар байна. Тэгэхгүй бол гадаад харилцаа замбараагүй болох гээд байна. Бид аль болох хорьж байгаа ч яамдын санхүүжилтээр, төслийн санхүүжилтээр гээд яваад байх юм" гэлээ.