"Нийслэлийн 2024-2026 оны төсвийн зарцуулалт, хөрөнгө оруулалтын төслүүдийн хэрэгжилт холбогдох хууль тогтоомжид нийцсэн байдал" ерөнхий хяналтын сонсгол төрийн ордонд эхэллээ. Сонсголын эхэнд Сангийн сайд З.Мэндсайхан улсын төсөв болон нийслэлийн төсвийн уялдаа сэдвээр илтгэл танилцууллаа. Энэ үеэр тэрбээр "Нийслэлийн төсвийн зарлага 2022 онд 1.4 их наяд байсан бол 2026 онд 7.8 их наяд байхаар нэмэгдэж батлагдсан. Нийслэлийн төсвийн алдагдал дангаараа улсын төсвийн алдагдлаас ӨНДӨР БАЙНА. Хотын төсвийн алдагдал нэмэгдэж байгаа нь улсын төсвийн тогтвортой байдлыг алдагдуулж байна" гэлээ.