Ц.Даваасүрэн охин нь БЗС-аас зээл авсан байвал “УИХ-ын гишүүнээсээ өөрийн хүсэлтээр чөлөөлөгдөнө“ гэв


9 сар

Боловсролын зээлийн сангаас зээл авч суралцсан ч эргэн төлөлтөө хийгээгүй байгаа зээлдэгч нарын мэдээлэл олон нийтэд ил болоод багагүй хугацаа өнгөрч байна. Ингэхдээ эдгээр хүмүүс нь зарим улс төрчдийн хамаарал бүхий этгээдүүд байгаа нь ихээхэн шүүмжлэлийг дагуулж буй билээ. Тухайлбал, УИХ-ын гишүүн Ц.Даваасүрэнгийн охин Долзодмаа нь Пүрдүгийн их сургуульд бакалавраар сурахдаа Боловсролын зээлийн сантай гэрээ байгуулж 191 мянган ам.долларын зээлээр суралцсан гэх мэдээлэл гарсан. Тэгвэл эл мэдээлэлтэй холбогдуулан тэрбээр "Манай охины сургалтын тэтгэлгийн батламжийг тухайн үеийн Боловсролын сайд Ё.Отгонбаяр олгож байжээ. 2010 оны Улсын физикийн олимпиадад хоёрдугаар байр эзэлсэн тул дэлхийн шилдэг 50 сургуульд инженер, технологи, байгалийн шинжлэх ухааны чиглэлээр Төрийн сургалтын сангийн тэтгэлгээр суралцах болзлыг хангасан тул батламж олголоо гэсэн байна" хэмээн албан бичгийн зургийг өөрийн албан ёсны цахим хуудсаараа мэдээлсэн бөгөөд ирж буй шүүмжлэлтэй холбогдуулан "Зээл авсан байвал би гишүүнээс өөрийн хүсэлтээр чөлөөлөгдөнө" гэжээ.

Post image
Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү