УИХ-ын гишүүн Ж.Мөнхбат нүүрсний хулгайн хэрэгт холбогдон яллагдагчаар татагдан шалгагдаж эхэлсэн. Гэвч тэрбээр шалгагдаж байх явцдаа БНСУ-ыг зорьсон юм. Түүнчлэн УИХ-ын гишүүнийхээ бүрэн эрхээс чөлөөлөгдөх хүсэлтээ УИХ-ын даргад хүргүүлсэн байдаг. 

Тэгвэл өнөөдөр /2023.03.21/ УИХ-ын Төрийн байгуулалтын байнгын хорооны хуралдаанаар Ж.Мөнхбат гишүүний бүрэн эрхээсээ чөлөөлөгдөх хүсэлтийг хэлэлцжээ. Хуралдаанд оролцсон гишүүдийн олонх нь УИХ-ын гишүүн Ж.Мөнхбатын хүсэлтийг дэмжсэн байна. Улмаар энэ долоо хоногт чуулганы нэгдсэн хуралдаанаар оруулж, эцэслэхээр боллоо. 

УИХ-ын гишүүн Ж.Мөнхбат БНСУ-д ээжийгээ эмчлүүлж байгаа тул өөрөө эх орондоо ирэх боломжгүй гэдгээ УИХ дахь МАН-ын бүлгийн дарга Д.Тогтохсүрэнгээр дамжуулж уламжилсан билээ.