АН 2016 оны УИХ-ын сонгуулийн дараа дүрмээ өөрчилж, нийт гишүүдээсээ даргаа сонгодог болсон. Гэвч энэ нь намынхаа гишүүдийг хуваадаг буруу жишиг болсон гэж үзсэн учраас дүрмээ өөрчлөхөөр шийдсэн юм. Улмаар Х Их хурлаа өчигдөр цахим хэлбэрээр зохион байгууллаа. Х Их хурлаа хоёр өдрийн турш хуралдуулахаар төлөвлөж байсан боловч хэлэлцэх асуудлаа дууссан гэж үзэн өчигдөр орой хурлаа өндөрлүүлжээ. Энэ удаагийн Их хурлаараа намынхаа дүрмийг шинэчлэн баталлаа. Ингэснээр намын даргаа Үндэсний бодлогын хороо, Их хурлаараасаа сонгодог болж байгаа юм. Улс төрийн намын тухай хуульд заасны дагуу АН энэхүү дүрмийнхээ өөрчлөлтийг Улсын дээд шүүхэд бүртгүүлэх учиртай. Түүний дараа Их хурлаа дахин хуралдуулж намын даргаа сонгох бололтой.