УИХ-ын дарга М.Энхболд гуравдугаар сарын 27-ноос Япон улсад албан ёсны айлчлал хийх гэж байна. Энэ  айлчлал нь УИХ-ын даргын хувиар хийх анхных нь айлчлал болох юм.

Айлчлалын тов тодорхойгүй байгаа ч тус улсад гурав хоногийн айлчлал хийхээр болжээ. 

Айлчлалын үеэр Монгол, Японы стратегийн түншлэлийн дараагийн дунд хугацааны хөтөлбөрийг эцэслэн тохирох талаар санал солилцоно.

Япон айлчласны дараа М.Энхболд Бангладешийг зорино. Тус улсад ирэх дөрөвдүгээр сарын 2-н хүртэл Олон улсын парламентын холбооны хуралд М.Энхболд оролцох аж.