Гал унтраахаар ажиллаж байсан онцгойгийн нэг албан хаагч амиа алджээ


2 сар

Нийслэлийн Чингэлтэй дүүргийн 7 дугаар хороо, Баянхошууны шинэ буудал орчимд байрлах “Миний” дэлгүүр"-т гарсан гал түймрийг унтраах ажиллагаа үргэлжилж байна.

НОБГ-ын тэргүүн дэд дарга, хурандаа Д.Мөнхсайхан "Дуудлагаар анх дөрвөн хүнтэй тасаг ирж галыг унтраах ажиллагааг эхлүүлж, дотогш нэвтэрсэн. Үүнээс гурван албан хаагч гарч ирсэн бол нэг нь олдоогүй байна” гэж нэг цагийн өмнө мэдээлсэн.

"Гал түймэр унтраах явцад алга болсон Чингэлтэй дүүргийн Гал түймэр унтраах, аврах 10 дугаар ангийн аврагч, гал сөнөөгчийг амь хохирсон байдалтай оллоо"  гэж НОБГ-ын тэргүүн дэд дарга, хурандаа Д.Мөнхсайхан дөнгөж сая мэдээллээ. Мөн хоёр албан хаагч хөнгөн бэртэж, эмнэлгийн анхан шатны тусламж авчээ.

Гал гарч байна гэсэн дуудлага өнөөдөр буюу 04 дүгээр сарын 08-ны өдрийн 10:28 цагт Онцгой байдлын албанд ирсэн байна. Дуудлагын дагуу дөрвөн дүүргийн 6 ангийн 90 гаруй албан хаагч үүрэг гүйцэтгэж байна.

Post image
Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү