Хандивын барилдааны цахим бүртгэл эхэллээ


1 сар

Монголын үндэсний бөхийн холбооноос санаачлан зохион байгуулах “Малчин түмэндээ туслая” хандивын Улс, аймгийн алдар цолтой 128 бөхийн барилдааныг 2024 оны 03-р сарын 01-ний өдөр 15:00 цагаас Монгол бөхийн өргөөнд зохион байгуулахаар бэлтгэл ажлуудыг хангаж байна.

Зудын байдалтай байгаа аймаг, сумын малчид, иргэдэд туслах мөнгөн болон эд материал, түлш шатахууны дэмжлэг үзүүлэх энэхүү “Малчин түмэндээ туслая” арга хэмжээнд нэгдэж ажиллахыг аймаг, сумын салбар холбоод болон бөхийн дэвжээд, нийт бөхчүүддээ хандан уриалж байна.

Хандивын барилдааны цахим бүртгэл өнөөдөр эхэллээ.

Тус барилдааны шууд дамжуулалтын үеэр хандивын данс байршуулан ажиллах бөгөөд аймаг, сумын салбар холбоод болон бөхийн дэвжээд, бөхчүүд өөрсдийн сонгосон аймаг, сум, малчдад хандиваа гардуулан өгөх боломжтой.

МОНГОЛЫН ҮНДЭСНИЙ БӨХИЙН ХОЛБОО

Post image
Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү