Премьер лигийн 15 дугаар тойргийн хүрээнд "Ливерпүүл" талбайдаа "Эвертон"-ыг 5:2-оор илүүрхсэн. Ингэснээр "Ливерпүүл" премьер лигт 32 тоглолт дараалан ялагдал хүлээсэнгүй. 27 хожиж, 5-хан тэнцэж, багийнхаа рекорд амжилтыг шинэчиллээ. 

Өмнө нь 1987 оны тавдугаар сараас 1988 оны гуравдугаар сар хүртэл 23 тоглолтод хожиж, 8 тэнцсэн амжилтыг үзүүлж байжээ.  Энэ улирал эхлээд "Улаанууд" 14 хожиж, ганцхан тэнцсэн. Өнгөрсөн улирлын хоёрдугаар хагаст тэд 17 тоглолт дараалан ялагдаагүй, 14 хожижг 3 тэнцсэн юм. Хамгийн сүүлд "Ливерпүүл" лигтээ 2019 оны нэгдүгээр сарын 3-ны өдөр "Манчестер Сити"-д 2:1-ээр хожигдсон билээ.