Филиппин улсад шайбтай хоккейн “Asian challence cup-2018” тэмцээн болж байна. Энэ тэмцээнд Монголын шигшээ баг оролцож байгаа бөгөөд хоёр хожилтой явна. Манай залуус хамгийн түрүүнд Сингапурын багийг 5:3-аар илүүрхсэн бол өчигдөр Кувейтийн багийг 11:2-оор буулган авлаа. Тус тэмцээний мэргэн буучийн эхний тавд манай хоккейчин Н.Мишигсүрэн 5 оноотойгоор орсон байна. Харин хаалгач нарын жагсаалтын хоёрдугаар байрт Г.Баатархүү бичигджээ. Монголын шайбтай хоккейчид өнөөдөр тэмцээн зохион байгуулагч орны багтай тоглох бол маргааш Тайландтай хүч үзнэ.