Монголын үндэсний олимпийн хорооны гишүүдийн хурал өчигдөр "Чингис" зочид буудалд болов. Хурлаар МҮОХ-ны өнгөрсөн жилийн үйл ажиллагааны тайланг хэлэлцэж, энэ оны үйл ажиллагааны төлөвлөгөө болон төсвөө баталжээ. Мөн МҮОХ-нд Монголын кэндогийн холбоог шинээр бүртгэсэн юм. Энэ хурлаас шийдвэрлэсэн хамгийн чухал зүйл нь МҮОХ-ны эзэмшлийн 0.36 га газрыг Монголын байт харвааны бэлтгэлийн төв бариулах зорилгоор эзэмших эрхийг нь МБХХ-нд шилжүүлсэн байна.