1. 14.00 цагаас ОБЕГ-т Голомт банкны хамт олон Онцгой байдлын албаны 106 алба хаагчийн 1-3-р ангийн хүүхдэд тус бүр 100.000 төгрөгийн хуримтлалын дэвтэр гардуулна.
2. Цэнгэг усны нөөц, байгаль хамгаалах төвд Баянхонгор, Хөвсгөл, Орхон, Дорноговь, Сэлэнгэ гэсэн 5 аймгийн "Ногоон хөгжлийн хэтийн зорилт дунд хугацааны бодлогын баримт бичиг" боловсруулах чадавхи бүрдүүлэх сургалт болно.
3. Шинжлэх ухааны шинэ нээлт хийж, Чингисийн монголчуудын алтан мөнгөн Язгуур оршин буй Газар зүйн байрлалыг тогтоож, 2017 оны Нобелийн шагналд нэр дэвшүүлэх болсон талаар 11.00 цагт MNBC телевизийн байр, Live conference center төвд мэдээлэл хийнэ.
4. Зарим уулзвараар зүүн эргэхийг хориглосон шийдвэр хэрэгжүүлэхэд их хэмжээний хөрөнгө зарцуулсан гэх мэдээлэлтэй холбоотойгоор НЗДТГ-ын байранд 09.30 цагт НЗДТГ-ын Санхүү, төрийн сангийн хэлтсийн дарга Э.Ганхүү тодруулга өгнө. 
5. Монголын Залуучуудын өдрийг тохиолдуулан хүүхэд залуучуудад хуулиа дээдэлсэн, шударга, хариуцлагатай иргэд болж төлөвшихөд нь дэмжлэг үзүүлэх зорилгоор шинээр иргэний үнэмлэх авч буй хүүхдүүдэд иргэний үнэмлэхийг нь гардуулах үйл ажиллагааг Баянзүрх дүүргийн Иргэдийн төлөөлөгчдийн хурлын Ажлын алба, Засаг даргын Тамгын газар, Бүртгэлийн хэлтэс хамтран дүүргийн Чуулганы танхимд 14.00 цагаас зохион байгуулна.
6. 11.00 цагаас Нийслэлийн хэвлэл мэдээллийн төвд Иргэдэд оршин суугаа газраа өмчилөхөд дэмжлэг үзүүлэх 3 сарын аяныг зохион байгуулах гэж байгаа талаар нийслэлийн Газрын албанаас хэвлэлийн бага хурал зарлаж байна.
7. “Монголын газрын зураг, газрын нэр судлал”олон улсын эрдэм шинжилгээний хурлыг 09.00 цагт ШУА-ийн Тэргүүлэгчдийн газар /СТӨ, Г корпус/-ын 3 давхрын хурлын танхимд зохион байгуулна.