Нийслэлийн цагдаагийн газрын Урьдчилан сэргийлэх хэлтсийн алба хаагчид гол усны аюулаас урьдчилан сэргийлэх сэрэмжлүүлэг хуудсыг Туул голын эрэг орчмоор амарч буй иргэдэд тараан, гэмт хэргээс урьдчилан сэргийлэх чиглэлээр яриа таниулга хийлээ.

Өнгөрсөн онд зөвхөн наадмын өдрүүд буюу 07 дугаар сарын 11-нээс 07 дугаар сарын 13-ны өдрийг хүртэл нийт 9 хүн усанд осолдсоноос нийслэлд 4, орон нутагт 5 хүн болгоомжгүй байдлаар эндсэн.

Иймд иргэд та бүхэн Ардын хувьсгалын 96 жилийн ой, Үндэсний их баяр наадмыг тэмдэглэн өнгөрүүлэх амралтын өдрүүдэд гол усны ойролцоо аялаж, зугаалахдаа сэрэмжтэй байхыг Нийслэлийн цагдаагийн газраас анхааруулав.