Гадаадын иргэн, харьяатын газрын Дорноговь аймаг дахь газраас холбогдох хууль тогтоомжийг сурталчлах ажлын хүрээнд  2017 оны 04 дүгээр сарын 21-ний өдөр Замын-Үүд сум дахь сум дундын цагдаагийн хэлтсийн бие бүрэлдэхүүн, Хил хамгаалах ерөнхий газрын Хилийн 0108 дугаар ангийн гэрээт хилчдэд сургалт зохион байгууллаа.

Хичээлийг тус газрын Хяналтын улсын байцаагч Т.Хаш-Эрдэнэ заасан бөгөөд энэ үеэр байгууллагын бүтэц, чиг үүрэг, үзүүлж буй үйлчилгээ, холбогдох хууль журмыг цагдаагийн бие бүрэлдэхүүн, гэрээт хилчдэд танилцуулж, гадаадын иргэний виз, бүртгэл, оршин суух зөвшөөрлийн талаар мэдээлэл өглөө гэж ГИХГ-ын Дорноговь аймаг дахь газраас мэдээллээ.