УИХ-ын дарга М.Энхболд ЖДҮХС-гийн зээлтэй нэр холбогдсон Үндэсний аудитын газрын дарга Д.Хүрэлбаатарыг ажлаасаа чөлөөлөгдөх хүсэлтээ өгөхийг шаардсан. Гэвч ерөнхий аудитор Д.Хүрэлбаатар албан тушаалаа чөлөөлөгдөх бус түдгэлзэх санал гаргасан юм. Тэрээр албан тушаалаасаа түдгэлзээд шалгуулж гэм буруугүй болохоо тогтоолгосныхоо дараа ажлаа үргэлжлүүлэн хийх хүсэлтэй байгаагаа илэрхийлсэн нь энэ. Түүний албан тушаасаа түдгэлзэх саналыг УИХ-ын Төсвийн байнгын хороо өнөөдрийн хуралдаанаараа хэлэлцлээ.  Улмаар Монгол Улсын Ерөнхий аудитор Д.Хүрэлбаатарыг албан тушаалаас нь түдгэлзүүлэх нь зүйтэй гэсэн саналын томьёоллоор санал хураалт явуулахад хуралдаанд оролцсон гишүүд 100 хувийн саналаар дэмжив. Энэхүү асуудлыг маргааш чуулганы нэгдсэн хуралдаанаар хэлэлцэн шийдвэрлэх юм.