Ерөнхий сайд У.Хүрэлсүх өчигдөр “Соёл, урлагийн салбарын өнөөгийн байдал, ирээдүйн чиг хандлага” зөвлөгөөн зохион байгуулж тус салбарт ажиллаж байгаа уран бүтээлчдийн санал, сэтгэгдлийг сонслоо. Энэ үеэр Боловсрол, соёл, шинжлэх ухаан, спортын сайд Ц.Цогзолмаа Монгол Улсын Ерөнхий сайдын ивээл дор хоёр жилд нэг удаа олон улсын дуурийн дуулаачдын уралдаан зохион байгуулж байхаар болсныг дуулгалаа. Хамгийн анхны уралдаанаа энэ жил наадмын өмнө зохион байгуулахаар төлөвлөжээ. Ц.Цогзолмаа сайд "Олон улсын дуурийн дуулаачдыг энэхүү уралдаанд урьж байгаагаас гадна дуурийн урлагийн салбарт хүлээн зөвшөөрөгдсөн гадаадын уран бүтээлчдээр уралдаанаа шүүлгэнэ" гэлээ. Хоёр жилд нэг удаа Улаанбаатар хотноо зохион байгуулах дуурийн дуулаачдын олон улсын уралдаанд амжилттай оролцсон уран бүтээлчдийг наадмын нээлтийн арга хэмжээнд оролцуулах юм байна.