Монгол Улсын хэмжээнд 97 их, дээд сургууль үйл ажиллагаа явуулж байна. Үүний зөвхөн 18 нь төрийн өмчит сургууль аж. Боловсрол, соёл, шинжлэх ухаан, спортын яам өнгөрсөн онд сургалтын орчин муу, үндсэн багшгүй гэдэг шалтгаанаар хувийн өмчийн зургаан их, дээд сургуулийн лицензийг цуцалжээ. Мөн тус яамнаас явуулсан шалгалтын үр дүнгээр хэд хэдэн сургууль нэгдэж сургалтын орчноо сайжруулсан байна.