1. 1454 онд Италийн умард хэсгийн жижиг ханлигууд хүчээ тэнцэтгэх зорилгоор Лодигийн гэрээг байгуулжээ.
2. 1511 онд Хатагтай Маргарет Бьюфорт Англи улсын Кембридж хотод Гэгээн Жоны коллежийг байгуулав.
3. 1609 онд 18 жилийн дайн: Испани болон Бүгд найрамдах Голланд улсууд 12 жилийн хугацаатай гал зогсоох гэрээг байгуулав.
4. 1860 онд Францын зохион бүтээгч Эдуар-Леон Скотт де Мартинвилийн зохиосон "фонавтограф" төхөөрөмжөөр анх удаа хүний яриаг бичжээ.
5. 1937 онд Японы зохион бүтээсэн "Камиказе" онгоц Лондон хотын Кройдоны нисэх буудалд газардав. Ингэснээр Японд үйлдвэрлэсэн онгоц Европ тивд газардсан анхны тохиолдол болжээ.
6. 1945 онд АНУ-ын цөмийн эрчим хүчний зөвлөл байгуулагджээ.
7. 1952 онд Боливийн ерөнхий сайд Хюго Балливианы засгийн газар бүрэн бүрэлдэхүүнээрээ огцорсноор Боливийн Үндэсний Хувьсгалын хөдөлгөөн засгийн эрхийг авав. Ингэснээр их сургуулиудыг үнэ төлбөргүй болгож, аграрийн шинэчлэлийг эхлүүлсэн бөгөөд уул уурхайн компаниудыг бүгдийг нь төрийн мэдэлд авсан юм.
8. 1957 онд Египет улсад Суецын сувгийг албан ёсоор нээж, хөлөг онгоцуудыг зорчуулж эхэлжээ.
9. 1960 онд Өмнөд Африкын ерөнхий сайд Др. Хенрик Вервоерд апартейд буюу арьс өнгөөр ялгаварлан гадуурхах үзлийг хуульчлах замыг засав.  Үүнийг нь эсэргүүцсэн цагаан арьст фермер Девид Пратт гэгч түүний амь насанд халдахыг завдсан байна.
10. 1961 онд Дэлхийн хамгийн том цахилгаан галт тэрэгний компани болох Pacific Electric Railway компани үйл ажиллагаагаа зогсоожээ.
11. 1967 онд Боейнг 737 онгоц анхны нислэгээ үйлдэв.
12. 1991 онд Гүрж улс ЗХУ-аас тусгаар тогтнов.