Монголын волейболын холбооны Удирдах зөвлөлийн тэргүүлэгчдийн ээлжит бус хурал өнөөдөр болжээ. Энэ хурлаар холбооны ерөнхий нарийн бичгийн дарга Ц.Бат-Энхийг чөлөөлж, үүрэг гүйцэтгэгчээр П.Тунгалагийг томилсон байна. Ц.Бат-Энх нь тус холбооны генсекээр 23 жил тасралтгүй ажилласан бөгөөд хувийн шалтгаанаар ажлаас чөлөөлөгдөх хүсэлт гаргасан байна. Улмаар холбооны Удирдах зөвлөлийн тэргүүлэгчид түүний оронд П.Тунгалагийг томилсон аж. П.Тунгалаг нь спортын салбарт туршлагатай нэгэн бөгөөд ОУОХ-ны Спорт ба эмэгтэйчүүдийн комиссын гишүүний албыг 2015 оноос хойш хашиж байгаа юм. Мөн 1999 оноос 2016 он хүртэл МҮОХ-ны Гадаад харилцааны мэргэжилтний алба  хашиж байв.