АНУ-ын Ерөнхийлөгч Доналд Трамп өчигдрөөс ажилдаа оржээ. Тэрээр коронавирусийн халдвар авсан гэж оношлогдсоноосоо хойш долоо ч хонолгүй ийнхүү ажилдаа орж байгаа юм.

Ерөнхийлөгчийн эмч Шон Конлигийн хэлснээр, Доналд Трампад сүүлийн 24 цагт ямар нэг шинж тэмдэг илрээгүйгээс гадна сүүлийн дөрөв хоногт нэг ч удаа халуураагүй гэнэ.

Лхагва гаригт хийсэн видео мэндчилгээндээ Доналд Трамп биеэ маш сайн байгаа гээд энэ нь бурхнаас адислагдсантай холбоотой байх хэмээн хэлж байсан юм. Мөн өөрт нь хийсэн эмчилгээг бүх Америкчуудад хийгээсэй гэж хүсч байгаагаа илэрхийлсэн билээ.