Францын Парис хотноо болсон “Их дуулга” тэмцээнээс Монголын жүдочид таван медаль хүртлээ. Чансаа, хүрээгээрээ дээгүүр тооцогддог тус тэмцээнд 115 орны 680 жүдоч хүч чадал, ур мэхээ сорин өрсөлдсөн юм. 

Эмэгтэйчүүдийн 57 кг-д хүч сорьсон олимпын мөнгөн медальт, дэлхийн аварга Д.Сумъяа мөнгөн медаль хүртлээ. Тэрбээр аваргын төлөөх барилдаанд ДАШТ-ий алт, хүрэл медальт, Канадын жүдоч Криста Дегучид ялагдсан юм.