Унгарын нийслэл Будапешт хотод болж байгаа жүдо бөхийн насанд хүрэгчдийн ДАШТ-д манай улсын баг медалийн тоогоороо хоёрдугаар байрт бичигдэж байна.

Зургаа дахь өдрөө үргэлжилж байгаа тэмцээнд жүдо бөхийг үндэслэгч гэгддэг Японы шигшээ баг таван алт хоёр мөнгө, нэг хүрэл медальтайгаар багийн дүнгээр тэргүүлж байгаа юм.

Монгол Улсын шигшээ багийнхан үлдсэн өдрүүдэд медалийн тоог нэмнэ хэмээн Хөдөлмөрийн баатар, гавьяат тамирчин Н.Түвшинбаяр, Л.Отгонбаатар нарт найдлага тавин хүлээж байна.