Монгол Ардын намын хорооны дарга, НИТХ-ын төлөөлөгч асан Г.Төмөрбаатарыг өнөөдөр АТГ-аас саатуулжээ. Тодруулбал, түүнийг Ерөнхий сайд асан Ч.Сайханбилэг рүү 2.8 сая ам.доллар шилжүүлсэн байж болзошгүй хэргээр шалгаж байгаа аж. Тэрбээр “Автобус нэг” ОНӨААТҮГ”-ын даргаар ажиллаж байхдаа тус компанид хамаарал бүхий хүмүүсээ албан тушаалд томилж, ажлын байрандаа архидан согтуурдаг байсан гэх мэдээлэл бий. Мөн Г.Төмөрбаатар нь Завхан аймгийн Их-Уул сумын уугуул бөгөөд төрсөн ахынхаа хүү болох Ч.Батбаатар, хамаатан Д.Чадраабал, баз хүргэн Р.Энх-Амгалан зэрэг хамаарал бүхий хүмүүсээ сонгуульд нэр дэвшихэд нь нөлөөлж байсан гэдэг.