Н.Батсуурь, Р.Пүрэвдагва, Б.Бат-Орших нараас ДОПИНГ илэрснийг зарлалаа


3 долоо хоног

Үндэсний их баяр наадмыг зохион байгуулах хорооны Бөхийн салбар хорооноос шөвгөрсөн 16 бөхөөс авсан допингийн шинжилгээний хариуг танилцууллаа. Бөхийн салбар хорооны дарга Б.Баасандорж " Үндэсний их баяр наадмын хүчит бөхийн барилдаанд зургаа даван шөвгөрсөн, Улсын харцага Б.Бат-Оршихоос Дэлхийн допингийн эсрэг агентлагаас гаргасан "Хориглосон жагсаалт 2020"-д орсон S1.1 бүлгийн Тренболон, S4 бүлгийн Мелдониум, S5 бүлгийн Ацетазоламид гэх гурван төрлийн бодис илэрсэн. 

Найм давж үзүүрлэсэн, Улсын аварга Н.Батсууриас дээрх хориглосон жагсаалтад багтсан S4 бүлгийн Триметазидин хэмээх нэг төрлийн, Хүчит бөхийн барилдаанд зургаа давж шөвгөрсөн, Улсын арслан Р.Пүрэвдагваас хориглосон жагсаалтад багтсан S1.1 бүлгийн Норандростерон, S1.1 бүлгийн Дростанолон, S4 бүлгийн Тамоксифен гэх гурван төрлийн бодис илэрсэн" гэлээ.

Тэд бүгд А сорьцын шинжилгээний хариуг хүлээн зөвшөөрсөн байна. Тиймээс өнөөдөр албан ёсоор сэргээшийн дүнг олон нийтэд танилцуулж байгаа ажээ. 

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү