Н.Түвшинбаяр МҮОХ-ны тамгаа гардан авлаа


1 сар

Монголын үндэсний олимпийн хороо/МҮОХ/-ны тамга гардуулах ёслол өнөөдөр/2020.08.17/ боллоо. Өнгөрөгч долоо хоногт зохион байгуулагдсан МҮОХ-ны ээлжит бус хурлаар Н.Түвшинбаяр нийт гишүүдийн 94.6 хувийн саналыг авч ерөнхийлөгчөөр сонгогдсон билээ.

Ёслолоор МҮОХ-ны Ерөнхийлөгчийн сонгуульт ажлыг 2001 оноос гүйцэтгэсэн, Монгол улсын эрүүлийг хамгаалахын гавьяат ажилтан Д.Загдсүрэн Монгол улсын хөдөлмөрийн баатар, Гавьяат тамирчин, “Бээжин – 2008” Олимпийн аварга, МҮОХ-ны Ерөнхийлөгч Н.Түвшинбаярт МҮОХ-ны тамгыг гардуулж, ажлын өндөр амжилт хүслээ. Энэхүү тамга гардуулах ёслолын арга хэмжээнд МҮОХ-ны шинэ дэд ерөнхийлөгч Ч.Наранбаатар болон МҮОХ-ны ерөнхий нарийн бичгийн дарга МУГТ, 2008 оны Бээжингийн олимпийн алтан медальт Э.Бадар-Ууган нар мөн оролцжээ.

ЭХ СУРВАЛЖ: МОНГОЛЫН ҮНДЭСНИЙ ОЛИМПИЙН ХОРОО - MNOC

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү