Гэртээ тусгаарлах шаардлагыг биелүүлээгүй иргэнийг зөрчлийн хуулиар арга хэмжээ авна


4 жил

Коронавирусийн цар тахлаас урьдчилан сэргийлэх ажлын хүрээнд Өмнөговь аймгийн Шуурхай штаб ээлжит мэдээллээ хийлээ.

Өмнөговь аймгийн харьяат 20 хүн тусгаарлалтад байсан ба нэг хүнийг Ханбогд суманд, 19 хүнийг бусад аймаг болон Улаанбаатар хотод байршуулжээ. Эдгээр хүмүүс тусгаарлалтын 21 хоногоо гүйцээгээд гэртээ тусгаарлагдах болсон байна.

Өнөөдрийн байдлаар Өмнөговь аймагт нийт зургаан хүн гэртээ тусгаарлагдаж байгаагийн хоёр нь Цогтцэций суманд, дөрөв нь Даланзадгад хотод байгаа аж. Гэртээ тусгаарлагдах хүмүүст сургалт, мэдээлэл өгсөн ба тэдгээр хүмүүсийн биеийн халууныг өдөрт хоёр удаа хэмжиж, өөрийгөө тусгаарлах үүрэг, зөвлөмжийг өгч гарын үсэг зуруулж авчээ.

Өмнөговь аймгийн Шуурхай штабаас мэдээлснээр өчигдөр буюу дөрөвдүгээр сарын 6-ны өдөр Даланзадгад хотод тусгаарлагдаж буй хүмүүсийн нэг нь гадуур гарч, өөр нэг хүн бусдыг цуглуулж архи уусан байна.

Эдгээр хүмүүс гэр бүлийнхээ гишүүдээс хүртэл өөрийгөө тусгаарлах шаардлагатай. Хүмүүсээс 1-2 метр хол байх ёстой. Аяга, тавгаа тусдаа ашиглах хэрэгтэй. Гэртээ гаднаас зочин оруулахгүй, гэрээсээ гарч бусад айл руу очихгүй байх шаардлагатай. Гэртээ агаарын солилцоо хийж, ариутгал халдваргүйтгэлийг тогтмолжуулах хэрэгтэй. Түүнчлэн гэртээ хөл хорионд буй иргэд утсаа байнга асаалттай байлгаж, эмнэлгийн ажилтнуудын дуудлагад хариулж байх ёстой.

Хэрвээ шаардлагыг биелүүлэхгүй бол тусгаарлалтын хоног дууссаны дараа Зөрчлийн тухай хуулиар арга хэмжээ авна хэмээн Өмнөговь аймгийн Шуурхай штабаас анхааруулж байна.

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү
Зочин [77.81.167.xxx] 4 жил
Сайн байна уу, энэ бол хувийн зээл олгогч Жозе Луис санхүүгийн тусламж авах шаардлагатай байгаа хүмүүст санхүүгийн боломж нээгдсэн гэдгийг олон нийтэд мэдээлэх явдал юм. 5000 евро-аас 100,00 еврогоос бид хувь хүн, компани, компанид 2% -ийн хүүтэй, тодорхой, ойлгомжтой байдлаар, нөхцөлөөр зээл олгодог. өнөөдөр бидэнтэй холбоо барина уу (albakerloanfirm@gmail.com)