“Burberry” брэнд амьтны гаралтай үслэг түүхий эдээс татгалзлаа


6 жил

“Burberry” брэнд ирэх 11 дүгээр сарын 17-нд гаргах коллекцдоо амьтны жинхэнэ үс, арьсыг бараа, бүтээгдэхүүн үйлдвэрлэхдээ ашиглахгүй гэж тус компанийн Гүйцэтгэх захирал Марко Гоббети мэдэгдлээ. Тухайлбал, тус компани туулай, үнэг, усны булга, элбэнх зэрэг амьтдын арьсыг загварын цуглуулгадаа түгээмэл хэрэглэдэг байсан бол цаашид хэрэглэхгүй байхаар шийдвэрлэсэн байна.

Ингэснээр он гарснаас хойш бүтээгдэхүүнийхээ үйлдвэрлэлд амьтны гаралтай үс, арьсашиглахаа больсон долоо дахь брэнд болж байна. Өмнө нь “Versace”, “Furla”, “Gucci”, “Michael Kors” тэргүүтэй брэндүүд үслэг эдлэлээс татгалзана гэдгээ албан ёсоор мэдэгдээд байсан юм. 

Үүнээс гадна “Burberry” брэнд борлуулаагүй үлдсэн бараа, бүтээгдэхүүнээ шатааж устгахаа зогсоох шийдвэр гаргасан байна. Тус брэнд 2017-2018 оны санхүүгийн жилд 32.7 сая ам.доллароор үнэлэгдэх борлуулаагүй бүтээгдэхүүнийг шатааж устгасан нь шүүмжлэл дагуулаад байсан юм.

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү