Онцгой байдлын ерөнхий газрын дарга, бригадын генерал Т.Бадрал 2017 оны 06 дугаар сарын 06-09-ний өдрүүдэд ОХУ-ын Москва хотноо болж буй “Цогц аюулгүй байдал” сэдэвт олон улсын 10 дугаар үзэсгэлэнд оролцож байна.

Мөн ОХУ-ын Онцгой байдлын сайдын орлогч Баженов Олег Валерьевичтэй уулзаж, хамтын ажиллагааны талаар санал солилцохын зэрэгцээ Иргэний хамгаалалтын болон Гал эсэргүүцэх албаны академид зочилж Монгол Улсын Онцгой байдлын албанаас суралцаж буй сонсогч нартай уулзалт хийх юм гэж Онцгой байдлын ерөнхий газраас мэдээллээ.