Засгийн газрын мөрийн хөтөлбөрт тусгасны дагуу “Элэг бүтэн Монгол” үндэсний хөтөлбөрийг 2020 он хүртэл хэрэгжүүлэхээр болсон. Энэ хөтөлбөрийн нээлт өнөөдөр 11-13.00 цагийн хооронд Сүхбаатарын талбайд болж байна. Хөтөлбөрийн хүрээнд хепатитын вирусын халдварын тархалтыг хязгаарлан, С вирусын халдварын шинэ тохиолдлыг таслан зогсоож, элэгний архаг үрэвсэл, хатуурал, хорт хавдрын шалтгаантай нас баралтыг эрс бууруулна гэж үзэж байна.

Төв талбайд болох нээлтэд ирсэн иргэд мэргэжлийн эмч нараас олон төрлийн мэдээлэл, зөвлөгөөг авах боломжтой юм.