Т.Доржханд: Ирэх дөрвөн жилд залуучуудын дуу хоолой болж ажиллана


2 долоо хоног

УИХ-ын найм дахь удаагийн Парламентын гишүүд УИХ-ын гишүүний үнэмлэхээ гардлаа. ХҮН намаас УИХ-ын 29-р тойрог Хан-Уул дүүргээс сонгогдсон ганц гишүүн Т.Доржхандын сэтгэгдлийг хүргэж байна.

-Та ажлаа юунаас эхлэх вэ?
-Эдийн засгаа сэргээх, бэхжүүлэх чиглэлээр анхаарч ажиллана. Ирэх дөрвөн жилд улс орны эдийн засаг амаргүй байх сорилтын жилүүд юм. ХҮН намд өндөр боловсролтой, мэргэжлийн маш олон залуучууд бий. Эдийн засгаа сэргээхийн тулд Засгийн газрыг бодлогоор дэмжиж ажиллана. Засгийн газар яаралтай төсвийн тодотгол хийх хэрэгтэй. Цаг алдаж болохгүй.

-Таны хувьд намаасаа ганцаараа сонгогдлоо. УИХ-д суудалтай өөр нам руу орох байх гэсэн таамаг байна?
-Намайг аль нэг намд уусаж шингэх вий гэж ярьж байна. Тийм зүйл байхгүй. Мэдлэг боловсролтой залуучуудтайгаа баг болж ажиллана. Байр сууриа тодорхой илэрхийлж, эрх баригчдыг шахаж ажиллана. АН-ын 11, бие даагч нэг, бусад намын төлөөлөлтэйгээ хамтарч маш хүчтэй сөрөг хүчний байр суурин дээр ажиллахаа мэдэгдэж байна. Ирэх дөрвөн жилд залуучуудын дуу хоолой болж ажиллана гэв.

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү