Үндэсний аюулгүй байдлын зөвлөл өчигдөр "Оюутолгой төслийн далд уурхайн бүтээн байгуулалтын ажлын санхүүжилтийн төлөвлөгөө"-тэй холбоотой асуудлаар хуралджээ.

Арваннэгдүгээр сарын 18-ны өдөр Захиргааны хэргийн анхан шатны шүүхэд “Дархан монгол ногоон нэгдэл” ТББ-ын нэхэмжлэлтэй шүүх хуралдаан болж, нэхэмжлэлийг бүхэлд нь хангаж буюу хууль бус хэмээн шийдвэрлэсэн.

Үүнтэй холбоотойгоор ҮАБЗ хуралдсан байна. Захиргааны хэргийн анхан шатны шүүх хурал болохоос өмнө МАН-ын бүлгийн хаалттай хуралдаанаар УИХ-аас томилогдсон Оюутолгой төслийн гэрээний хэрэгжилтийг шалгах ажлын хэсгийн дүгнэлтийг хэлэлцсэн ч энэ талаараа ямар нэг мэдээлэл өгөөгүй байгаа юм.

ҮАБЗ-өөс хэлэлцсэн асуудлын дагуу холбогдох байгууллагад зөвлөмж хүргүүлдэг.