ДАШТ-ий ногоон зүлгэн дээр анх удаа хөтөч хүүхдээр монгол хүү Ө.Амар бөмбөг барьж гарахаар болжээ.

Тэрбээр Нижний Новгород цэнгэлдэх хүрээлэнд Москвагийн цагаар зургаадугаар сарын 27-нд /Улаанбаатарын цагаар 28-ны 02:00 цагт/ болох E хэсгийн Коста-Рика-Швейцарийн тоглолтод талбай дээр гарах юм байна. 

Official Match Ball Carrier  /OMBC/ буюу хөтөч хүүхдийг нийт 64 тоглолтын 40 тоглолтод нь зохион байгуулж буй улс буюу ОХУ-аас сонгосон бол үлдсэн 24-т нь Монгол Улсаас өрсөлдөөд нэг эрх авчээ. Монголоос 600 гаруй хүүхдэд сонгон шалгаруулалт явуулж Ө.Амарыг сонгосон байна.