Тарваган тахлын хоёр дахь сэжигтэй тохиодол бүртгэгдэн, эмчлэгдэж байна


4 жил

Ховд аймгийн Бүсийн оношилгоо эмчилгээний төвд 27 настай, эрэгтэй “тарваган тахлын булчирхай, хоёрдогч уушигны хэлбэр” урьдчилсан оноштойгоор эмчлүүлж байгаа талаар ЭМЯ-наас мэдээлсэн. Өвчтөн маш хүнд, олон эрхтний дутмагшилд орсон байдалтай байгаа юм байна.

Түүнчлэн өвчтний дүү 16 настай, эрэгтэй. Цэцэг сумын эрүүл мэндийн төвд “тарваган тахлын булчирхайн хэлбэр” урьдчилсан оноштойгоор эмчлэгдэж байна. Өвчтнүүд зургаадугаар сарын 21-23-ны өдрүүдэд тарвага агнаж идсэн өгүүлэмжтэй.

Эдгээр хүмүүсийн нэгдүгээр хавьтал 96, хоёрдугаар хавьтал 402 хүн байгаа бөгөөд Жаргалант, Цэцэг суманд хөл хорио тогтоож, Зоонозын өвчин судлалын үндэсний төв, Ховд, Баян-Өлгий аймгийн зоонозын төвийн мэргэжлийн багууд ажиллаж байгааг ЭМЯ-наас мэдээллээ.

 Эх сурвалж: ЭМЯ

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү