Хууль зүй, дотоод хэргийн яамны шинэ байрны дотоод засал болон дарга нарын өрөөг өндөр дүн бүхий мөнгөөр зассан тул өрөөгөө үзүүлэхийг хүссэн хүсэлтийг “Бид уучлахгүй” хөдөлгөөний зохицуулагч Б.Мөнхцэлмэг өнгөрсөн долоо хоногт тус яаманд хүргүүлжээ.

Тэрбээр  Төрийн нарийн бичгийн даргынхаа 51.6 саяар тохижуулсан өрөөг үзүүлэхийг шаардсан юм. 

Хууль зүй, дотоод хэргийн яамны шилэн дансыг үзэхэд шинэ барилгадаа 626 саяын тавилга, тохижилт хийжээ. Үүнээсээ Төрийн нарийн бичгийн даргын өрөөнд 51.6 сая, яамны үүдний хэсэгт 61 сая, уулзалтын өрөөнд 46.9 сая төгрөгийн зарцуулан дотоод засвар хийжээ.