Олон улсын ардчиллын өдөр” жил бүрийн есдүгээр сарын 15-ны өдөр тохиодог. Тэгвэл Ардчилсан намын санаачлагаар Монголд анх удаа энэхүү өдрийг  “Save democracy буюу Ардчиллаа хамгаалъя” уриан дор энэ сарын 13-нд тэмдэглэн  өнгөрүүлэхээр зэхэж байна. "Олон улсын ардчиллын өдөр"-ийг тэмдэглэн өнгөрүүлэх хүрээнд өнөөдөр /2019.09.09/  “Өчигдөр ба Өнөөдрийн Монгол” сэдэвт  Монголын өмнөх ба одоо үеийн түүхийг харьцуулсан ховор нандин  гэрэл зургийн үзэсгэлэн “BLUEMON” цамхагийн үзэсгэлэнгийн танхимд 17.00 цагт нээлтээ хийнэ. 

 Энэхүү үзэсгэлэн "BLUEMON" цамхагийн үзэсгэлэнгийн танхимд есдүгээр сарын 8-12-ныг хүртэл үргэлжлэх бөгөөд 13-нд СҮХБААТАРЫН ТАЛБАЙД 14.00  цагт олон нийтийн хүртээл болно. "Олон улсын ардчиллын өдөр"  "Ардчилал бидэнд юу өгсөн бэ" сэдэвт онол практикийн бага хурал, хэлэлцүүлэг  Туушин зочид буудлын хурлын танхимд болох бол Сүхбаатарын талбайд food festival, ховор автомашины үзэсгэлэн, нийслэлийн есөн дүүргийн нээлттэй өдөрлөг зэрэг олон сонирхолтой арга хэмжээг зохион байгуулахаар төлөвлөжээ. Үүний зэрэгцээ эл өдөр төв талбайд  "Ардчиллын замнал-алдаа, оноо-сургамж-сорилт" таван боть номны нэгдүгээр боть номын номын нээлт болох юм.  Мөн есдүгээр сарын 13-ны  өдрийн 19.00-23.50 цагт  Монголын хамгийн анхны, хамгийн том гэрлийн шоу  үзүүлбэр "LIGHT UF MONGOLIA"-г зохион байгуулахаар бэлтгэлээ хангаад байна.