Сурагчдын гуравдугаар улирлын амралт ирэх сарын 6-наас эхлэнэ


4 өдөр

Боловсрол, соёл, шинжлэх ухаан, спортын сайдын “Хичээлийн жилийн бүтцэд өөрчлөлт оруулах тухай“  тушаал гарсан.  Тушаалаар Ерөнхий боловсролын сургуулийн суралцагчдын хичээллэх болон амрах хугацааг заасан байдаг.

Нийслэлийн ЕБС-ийн сурагчдын гуравдугаар улирлын амралт дөрөвдүгээр сарын 6-14-нийг хүртэл үргэлжилнэ. Харин хөдөө орон нутгийн сургуулиуд гуравдугаар сарын 23-наас дөрөвдүгээр сарын 14-нийг дуустал гурван долоо хоног амарна. Гэхдээ газар зүйн бүслүүр, цаг уурын онцлог, мал төллөх хугацаанаас хамааран тус улирлын амралтыг 1 долоо хоногийн өмнө эхэлж болно хэмээн уг тушаалд заажээ.

1. Аймаг, сум, тосгон, багийн сурагчдын:

o 3 дугаар улирлын амралт бүх ангийн сурагчид III сарын 23-наас IV сарын 14-нийг дуустал 3 долоо хоног /газар зүйн бүслүүр, цаг уурын онцлог, мал төллөх хугацаанаас хамааран тус улирлын амралтыг 1 долоо хоногийн өмнө эхэлж болно/;

o Зуны амралт I-II ангийн сурагчдын хувьд VI сарын 01-нээс,  III-V ангийн сурагчдын хувьд VI сарын 08-наас, VI-XII ангийн сурагчдын хувьд VI сарын 15-наас эхэлнэ.

2. Нийслэлийн сурагчдын:

o 3 дугаар улирлын амралт бүх ангийн сурагчид IV сарын 06-наас IV сарын 14-нийг дуустал 1 долоо хоног

o Зуны амралт  I-II ангийн сурагчдын хувьд VI сарын 01-нээс, III-V ангийн сурагчдын хувьд VI сарын 08-наас, VI-XII ангийн сурагчдын хувьд VI сарын 15-наас эхэлнэ.

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү