Ерөнхий сайд С.Баярыг Оюутолгойн хөрөнгө оруулалтын гэрээтэй холбоотойгоор АТГ шалгаж байгаа билээ. Тэгвэл түүнд дахин нэмж, эрүүгийн хэрэг үүсгэн шалгаж эхэлсэн гэх мэдээлэл байна.
Тодруулбал, 2007-2009 онд Монгол Улсын Ерөнхий сайдаар ажиллаж байхдаа хууль зөрчин, албан тушаалаа урвуулан ашиглаж, хувьдаа их хэмжээний хөрөнгөтэй болж, түүнийгээ оффшор бүсээр дамжуулан, гадаад улсад үл хөдлөх хөрөнгө худалдан авсан байж болзошгүй гэсэн үндэслэлээр шалгаж байгаа бололтой.
Мөн УИХ-ын гишүүн Сү.Батболдыг оффшор бүстэй холбоотой асуудлаар шалгалтын ажиллагаа эхэлсэн талаар эх сурвалж мэдээллээ.