Улиастайн уулзвараас Баянзүрхийн гүүр, Баянзүрхийн товчооны орчмын нийт 3.5 км авто замд өргөтгөл, шинэчлэлтийн ажлын хүрээнд асфальт бетон хучилтын ажил хийгдэж байна. Зам барилгын ажилд нийт 3 бригад гарч, шуурхай ажиллаж байна.
Түүнчлэн Туул гол дээгүүрх Баянзүрхийн 281.2 у/м төмөр бетон гүүр шинээр барих төслийн ажил үргэлжилж байна.
Өнөөдрийн байдлаар үндсэн гүүрийн 52 шон суурийн бетон цутгалтын ажил, 0 захын тулгуурын их бие болон 1-4 завсрын тулгуурын их биеийн бетон цутгах ажил дууссан. 14 ширхэг хувиарлах хавтангийн арматур зангидах ажил хийгдсэн. Гүүрийн 0-4 тулгуурын хайрцган дам нурууны доод хэсгийн болон хавирган хавтангийн 160 м бетон цутгалтын ажил тус тус хийгдсэн байна.