АРГЕНТИНЫ ПАРЛАМЕНТ ҮР ХӨНДӨЛТИЙГ ЭСЭРГҮҮЦЛЭЭ


6 жил

  Жирэмсний 14 долоо хоногтой үед үр хөндөхийг зөвшөөрөх хуулийн төслийг Аргентины Сенатын танхим баталсангүй.

Уг хуулийн төслийг 38 сенатч эсэргүүцэж, 31 сенатч дэмжсэн байна. Хуулийн төсөл дэмжигдээгүй учир хууль санаачлагчид нэг жил хүлээсний дараа дахин парламентад өргөн барих эрхтэй байдаг ажээ.

Тус улсад одоогийн байдлаар хэрэгжиж байгаа үр хөндөлтийн тухай хуулиар эх нь бэлгийн хүчирхийлэлд өртөж хүүхэд олсон эсвэл жирэмслэлтээс болж эхийн эрүүл мэнд аюултай нөхцөл байдалд хүрсэн тохиолдолд үр хөндөхийг зөвшөөрдөг байна.

Хуулийн төслийг хэлэлцэх үеэр Аргентины парламентын ордны гадна талд томоохон хэмжээний жагсаал болжээ. Үр хөндөлтийг эсэргүүцэгч идэвхтнүүд хуулийн төслийг батлаагүйд их баяртай байна. Эдгээр идэвхтнүүдийн нэг нь ройтерс агентлагт ярилцлага өгөхдөө, “гэр бүл ямар үнэ цэнэтэй болохыг  Аргентин улс энэхүү үйлдлээрээ харуулж чадлаа” гэж хэлэв.

Харин сонголтоо өөрийн дураараа хийх хүсэлтэй зарим нэг бүлэг хүмүүс санал хураалтын дараа эсэргүүцлээ илэрхийлж, цагдаа нар луу гал шидсэн байна.

Анхааруулга: Уншигчдын бичсэн сэтгэгдэлд Bestnews.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
1000 Сэтгэгдэлээ бичнэ үү